І. Емтиханның (тестілеу) бірінші кезең нәтижесі бойынша іріктеу турының екінші кезеңіне өткен үміткерлердің тізімі анықталды.
«Арыстан» мамандандырылған лицейінде 2025 жылғы 24 шілде күні сағат 08:00-де өтетін екінші кезеңге төменде көрсетілген үміткерлер шақырылады:
Үміткерлердің жеке іс құжаттарының (құжаттардың толықтығы мен дұрыстығын тексеру, медициналық тексерістен өту құжаттары — анализдердің жарамдылық мерзімі 10 күннен аспауы тиіс) тексерілуі шілденің 17-сі мен 22-сі аралығында, сағат 09:00-ден 17:00-ге дейін «Арыстан» мамандандырылған лицейінің қабылдау комиссиясында жүргізіледі. Мекенжайы:Алматы облысы, Талғар ауданы, Бесқайнар ауылы, Жамбыл көшесі, 67.
Емтиханның екінші кезеңіне (қорытынды іріктеу) шақырылған үміткерлердің келуі және орналасуы 2025 жылғы 24 шілдеде сағат 08:00-де басталады.
Барлық басқа өңірлерден келетін үміткерлерге келесі талаптар қойылады:
Міндетті түрде мектеп формасында болулары қажет:- ақ жейде, қою түсті шалбар.
Өзімен бірге мынандай заттары болуы тиіс:
• Дене шынықтыру нормативтерін тапсыруға арналған спорттық киім;
• Дене шынықтыру нормативтерін тапсыруға арналған спорттық аяқ киім;
• Жазғы жеңіл киім (шорты, футболка, жеңіл аяқ киім немесе тәпішке және т.б.);
• Жеке бас гигиенасына арналған заттар (тіс пастасы, тіс щеткасы, сабын);
• Қосымша (ауыстыратын) іш киімдер (іш киім, майка және шұлық);
• Қарапайым шарикті қаламсап, сызғыш, қара қарындаш және жазбаша тапсырмаларды орындау мен эссе жазуға арналған дәптер;
• Іріктеу кезеңі кезінде Лицейде тұру жағдайы қарастырылған (іріктеудің алдын ала мерзімі – 8 (сегіз) күн). Асханада тамақтану үшін әр үміткерде күніне 3000 (үш мың) теңге ақша болуы қажет;
• Ата-аналармен байланысу үшін қарапайым (батырмалы) ұялы телефон.
ІІ. БІРІНШІ КЕЗЕҢГЕ ҚАТЫСПАҒАН ҮМІТКЕРЛЕР:
Бірінші іріктеу кезеңіне қатыспаған үміткерлерге қосымша тестілеуден өтуге мүмкіндік беріледі. Қосымша тестілеу 2025 жылғы 24 шілде күні «Арыстан» мамандандырылған лицейінде өткізіледі. Келу уақыты: сағат 08:00-де.
Ата-аналар назарына! 9 (тоғызыншы), 10 (оныншы) сыныптардан кейін қабылданатын оқушылар үшін бос орындар шектеулі екенін ескертеміз. Осыған байланысты үлкен конкурстық іріктеу күтілуде.
Үміткерлердің жеке іс құжаттарының (құжаттардың болуы, дұрыс жинақталуы және үміткердің тіркелуі) тексерісі 2025 жылғы 17 шілде мен 22 шілде аралығында, сағат 09:00-ден 17:00-ге дейін «Арыстан» мамандандырылған лицейінің қабылдау комиссиясында өткізіледі. Мекенжайы: Алматы облысы, Талғар ауданы, Бесқайнар ауылы, Жамбыл көшесі, 67.
Ескерту:
Алматы қаласынан «Арыстан» мамандандырылған лицейіне жету жолдары:
1. Райымбек даңғылы - Абылай хан даңғылы көшелерінің қиылысы (Алматы-2 теміржол вокзалы маңы) маңынан № 100, 23 автобустар Райымбек даңғылы бойымен жүріп, Талғар тас жолы арқылы Бесқайнар ауылдық округіне дейін жетеді. Лицейге , Қотырбұлақ ауылыныа «Березовая роща» аялдамасына дейін жетуге болады
(9 км).
2. Қала шетінен («Халық Арена» спорттық кешенінің маңынан) №209, 210 маршруттық автобустармен Қотырбұлақ ауылына «Березовая роща» аялдамасына дейін жетуге болады (9 км). 
