Қазақстан Республикасындағы білім беруді дамытудағы Мемлекеттік бағдарламалардың мақсатты талаптарын орындау аясында ұлттық көп деңгейлі білім беру жүйесіндегі жаңалауды көздейтін, адам ресурстарының сапасын көтеру мақсатында, сонымен қатар жеке тұлға мен қоғамның сұраныстарын қанағаттандыру үшін жалпы білім беретін оқу орны "Арыстан" мамандандырылған лицейін құру жобасы жүзеге асырылды.
   Жоба "Нұрсұлтан Назарбаевтың Білім беру қоры" Қоғамдық қорының қамқорлығымен жүзеге асырылды. Директоры – педагогика ғылымдарының докторы Кулибаева Динара Нұрсұлтанқызы. Лицей Қордың филиалы мәртебесіне ие.
   Қазақстанның Қарулы Күштеріндегі жоғары оқу орындарын өздерін мемлекеттік қызметте көрсеткісі келетін талантты жастармен толықтыру үшін интернат типіндегі, әскери салттағы, физика-математикалық оқу бағытындағы, информатика, ағылшын мен қазақ тілдерін тереңдетіп оқытатын мемлекеттік емес орта білім беретін мамандандырылған оқу орнын құру жобаның мақсаты болып табылады. Сонымен қатар, жобаның әлеуметтік бағыты бойынша лицеистерді оқыту мен қамтамасыз ету тегін (қайырымдылық акциясы аясында) түрде жүзеге асырылады.
   Оқуға қабылдану барысында әлеуметтік жағынан аз қамтылған отбасы мен көп балалы отбасы балаларына айрықша басымдық пен жеңілдіктер берілген. Оқу үздіктері он мың теңге көлемінде шәкіртақы алу мүмкіндігіне ие.
   Жасөспірімдерге жоғары деңгейде білім беру, олардың бойларында батылдық, шыдамдылық, өжеттілік, қатал мінез, жоғары мәдениетті қалыптастыру, патриоттық пен азаматтық міндет сезімдерін дамыту Лицейдің негізгі міндеттеріне жатады. Лицей түлектері егемен Қазақстанның Қарулы Күштері құрылымына қызметке келгенде өздерінің конститутциялық және азаматтық міндеттерін орындай алуға қабілетті болуы тиіс.
   Лицей өз жұмысын 2011 жылдың қаңтар айынан бастады. Лицейде Қазақстанның барлық аумағынан келген тоғыз бен он бірінші сынып аралығындағы жасөспірімдер білім алады.
   Лицейде 7 ұлт өкілінің балалары оқиды.
   Болашақ лицеистер бейінді пәндерден математика мен физикадан, сонымен қатар қазақ тілі, орыс тілі мен ағылшын тілдерінен алғашқы байқау емтихандарын тапсырады, кәсіби-психологиялық кезең (соның ішінде IQ тесті) мен медициналық куәландырудан өтеді, сонымен қатар дене дайындығы емтихандарын тапсырып, қорытынды байқау негізінде қабылданады.
   Лицеистердің білім алуы мен өмір сүруі үшін Іле Алатауының баурайына орналасқан Алматы қаласының маңындағы Талғар ауданы Бесқайнар ауылында бұрынғы "Искорка" пионер лагерінің аумағына заманауи кешен салынған.
   Лицеистерге қазіргі заман сұраныстарына сай жабдықталған оқу сыныптары, зертханалар, аудиториялар, 20 мың данадан артық қоры бар кітапхана, қажеттті мөлшердегі ғаламтор қызметтері ұсынылған.
   Лицейдегі жоғары деңгейде білім беру заманауи оқу технологиялары мен жоғары білікті оқытушылар құрамының есебінен қамтамасыз етіледі. Бүгінде лицейде бір ғылым докторы, екі PhD докторы, екі ғылым кандидаты, 10 жоғары санаттағы, бірінші санаттағы 11 оқытушы, сонымен қатар жоғары білімді 5 әскери маман сабақ береді.
   Лицейде сабақ берудің заманауи формалары мен әдістерін пайдалануды жүзеге асыру үшін қажетті мөлшерде интербелсенді тақталар, мультимедиялық проекторлар, компьютерлер (екі адамға бір компьютер) қолданылады.
   Лицейде оқып жатқан әр оқушының жан-жақты дамуына кешенді тәрбие берудің іс-шаралары қарастырылып, қолы бос уақытта қызықты мәдени қызмет түрлерін жүзеге асыратын мәдени-іс-шаралар орталығы құрылған.
   Лицейде соңғы үлгідегі заманауи жаңа құрылғылармен жабдықталған 240 орындық көрермен залы, толық құрамды үрмелі аспаптар оркестрі мен вокальды-аспаптық ансамблі тұрақты жұмыс істейді.
   Лицей құрылғаннан бері әлемдік көлемдегі мега жұлдыз, атақты скрипкашы М. Бисенғалиев ( екі рет), ҚР Халық артистері Н. Нүсіпжанов, М. Ильясова, Алматы қалалық әкімшілік камералық оркестрі, запастағы генералдар мен офицерлер, ҚР Қарулы Күштерін құрудың басындағы алғашқы басшы ҚР Қауіпсіздік Министрі, армия генералы С.К. Нұрмағамбетов, ҰҚКҰ( Ұжымдық қауіпсіздік келісімшарт ұйымы), Ресей Федерациясының Әскери Әуе Күштерінің бас қолбасшысы, генерал-лейтенант С. В. Бондарев, АҚШ (Вест Пойнт) Әскери Академиясының делегациясы, алыс және жақын шетелдік мемлекеттердің әскери атташесі және т.б. қонақта болды.
   Көптеген жоғарғы оқу орындары мен Алматы колледждерінің студентерімен лицей оқушыларының арасында кездесу өткізіліп, олармен тығыз шығармашылық қарым-қатынастар орнатылды.
   Лицей оқушыларының толыққанды дене шынықтыруы үшін, лицейде көп салалы заманауи спорттың барлық түріне арналған спорттық зал, 25 метрлік бассейн, бокс, күрес, штанг көтерумен айналысу залдары, тренажер залы және тағы басқалары бар. Сонымен қатар, жаздық спорттық база, жасанды жабындымен жасалған футбол алаңы, теннист корты, баскетбол алаңы, гимнастика спорт қалашығы, әскери кедергі сызықтар алаңы бар.
   Әскери өмірге жаттығу үшін алғашқы әскери дайындықты тереңдете меңгеруге бағытталған мамандандырылған оқыту бағдарламасы, оқушыларды үздік сапамен қамтамасыз ету, жоғарғы тәртіп пен ұйымшылдық және өзін-өзі басқару, сенімді болуға тәрбиелеу ісі жолға қойылған.
   Осыған орай, бұл тәрбиеге тәжірибелі мамандар, оның ішінде әскери өмірден тәжірибесі мол запастағы офицерлер де ұстаздық етеді. Лицейде 21 әскери маман жұмыс істейді.
   Алғашқы әскери дайындық бағдарламасының негізгі ерекшелігі практикалық бағытта: ҚР Қарулы Күштері Құрлық әскерлерінің әскери институтының оқу орталығында оқып, далалық әскери қызмет жұмысынан өздеріне практикалық білім мен тәжірибе негізін жинайды. Бұл жинаған білімдерінің жоғарғы әскери оқу орындарына түсу үшін көмегі мол.
   Лицейде әскери салт-жораларды қалыптастыруға көп көңіл бөледі. Әскери бөлімшелердегі сияқты лицейдің өз Туы, эмблемасы, лицеистердің анты, абырой Кодексі, гимн, атрибут т. б элементтер оқушылардың моральдық-өнегелік оқуы мен өмір мазмұнын анықтап көрсетеді.
   Лицей өмірінде лицеистердің Ант қабылдау рәсімі ерекше орын алады. Ол жыл сайын сәуір айының төртінші аптасында өтеді. Антты 9-сынып оқушылары қабылдайды және осы күн «Лицей күні» деп аталады.
   Лицейдің Қамқорлық Кеңесінің басшысы Қулибаев Тимур Асқарұлы лицейдің қалыптасуы мен міндеттерінің реттелуіне үлкен ауқымды көмек көрсетті.
   2013 жылы сәуір айында Елбасымыз Нұрсұлтан Әбішұлы Назарбаев лицейде қонақта болып, қазіргі осы жаңартпашылық-қайырымдылық жобасы мемлекеттік-жеке серіктестік құрылымы арқылы жастарға жеке капиталды бағыттаудағы кеңейтілген, қолжетімді, сапалы білім берудің көрнекті үлгісі болатынына жоғары баға берді.
   Лицей ашылғалы бері алты рет өз түлектерін арман жолына қанаттандырды.
   Біздің түлектер ҚР Қауіпсіздік Министрлігінің әскери оқу орындарында, ҚР ҰҚК Шекаралық қызметі академиясында, ҚР ІІМ академиясында, сонымен қатар Ресей Федерациясы әскери оқу орындарында, Беларусь Республикасында, Украинада, АҚШ-та, Түрік елінде оқып білім алуда.
   Шәкірттеріміздің бір бөлігі Астанадағы Назарбаев университетіне, Қазақ-Британ Техникалық университетіне, Қазақ Ұлттық Техникалық университетіне, Халықаралық Ақпараттық Техникалық университетіне оқуға түсті.
   «Арыстан» мамандандырылған лицейінің түлектері еліміздің және шетелдік елдердің әскери оқу орындарында осы лицейге лайықты білім сапасының биік деңгейін көрсетіп, лицей атына лайықты түрде білімдерін жалғастыруда.