Бұлбұл домбыра

   Дина Нұрпейісоваға арналған «Бұлбұл домбыра» атты кеш «Арыстан» мамандандырылған лицейінде 2021 жылының 26 қарашасында қазақ тілі мен әдебиет пәнінің мұғалімі Шоранова Гульдария Ажикуловнаның ұйымдастыруымен өтті. Күй өнері – қазақ халқының ең құнды, бағалы мұраларының бірі. Қаны мен жанында күй ойнаған ұлтымыз тума таланттарға кенде емес. Сондай дарын иелерінің бірі – қазақ өнерінде өзінің өшпес ізін қалдырған күйші, композитор Дина Нұрпейісованың туғанына биыл 160 жыл толып отыр. Лицей сахнасында Динаның күйі «Әсемқоңыр» басталып, лицейістердің дайындаған әсем әндерімен аяқталды. Сонымен қатар жас жеткіншектерге тағылымы мол Динаның өмірі туралы сыр шертетін «Құрманғазы мен бала Дина», «Жәдігер» атты бейнетаспалар көрсетілді. Бұл кеште 11- 10-сынып лицеисті Сұлтанали Димаш пен Талантов Ерсұлтан әртүрлі күйлермен «Күй айтысқа» шығып, өнерімен көпшілікті риза етті. Осыдан кейін сахнаға Дина күйшінің құрметіне 11-сынып лицеистері Райымбек Жалғас пен Рысқұл Альтаир «Қазақ қызы» атты әнді тамылжыта орындады. Кеш соңы Дина өміріне арналған «Жұлдызды ойын» көрермендермен ойнатылып, қызықты тартыс болды. Динаға арналған бұл кеш соңы лицейдің психологиялық қызмет бөлімінің басшысы А. В. Коваленко өз тілегін айтып, құттықтау сөзімен аяқталды. Кешті тамашалаған лицеистер Дина Нұрпейісованың өнерімен танысып, үлкен тағылым алды.