06 Маусымынан 2024
4 маусым - Қазақстан Республикасының Мемлекеттік рәміздер күні!
2024жылдың 4 маусымында «Арыстан» мамандандырылған лицейінің шеру алаңында Қазақстан Республикасының Мемлекеттік рәміздері күніне арналған салтанатты жиын өтті.
Лицей бастығы генерал-лейтенант Майкеев Мұрат Жалелович Лицей ұжымын, офицерлерді, лицеистерді мерекемен құттықтап, мемлекеттік рәміздердің тарихына тоқталды. Қазақстанда Мемлекеттік рәміздер тәуелсіздік нышаны ретінде ерекше қадірленіп, оларға биік мәртебе берілгендігі туралы және әрбір қазақстандықтың мемлекеттік рәміздерді қастерлей білуі, мақтан тұтуы – бүгінгі, ертеңгі ұрпақтың парызы, қасиетті борышы екендігін анық айтты.
Салтанатты жиында Мемлекеттік Туды көтеру рәсімі өтті, лицеистер Қазақстан Республикасының Әнұранын орындады.
Бесқайнар ауылдық округінің әкімі Қ.Т.Шаймарданов құттықтау сөз сөйледі. Мерекелік шара «Айбалта», «Қалқан», «Найза» роталарының шеруімен және «Мен қазақпын» әнін орындаумен аяқталды.
Тәуелсіздігіміздің тұмарына айналған қасиетті рәміздеріміздің мәртебесі әрдайым жоғары болсын.
Еліміз тыныш, халқымыз аман, Туымыздың мәртебесі биік болсын!
Рәміздер күні құтты да, берекелі болып, ел бірлігі жасай берсін! 
