22 Қазанынан 2023
Суда жүзу – денсаулықты нығайту
Қай спорт түрін алсаңыз да, әрқайсысының адам денсаулығына тигізер пайдасы зор. Соның ішінде суда жүзу спортының орны ерекше.
Суда жүзу омыртқа ауруларының алдын алады, бүгінгі күндері мектеп оқушыларында көбейіп кеткен остеохондроз ауруының алдын алып, дене бітімін қалыпқа келтіреді. Жүрек қан тамырларының жүйесі жүзу кезінде реттеліп отырады. Суда жүзу үшін дұрыс тыныс ала білу өте маңызды. Сондықтан тыныс алу мүшелері де жақсы жұмыс атқарады. Суға түскен адамның ағзасы шынығып, иммунитеті де жақсарады.
Жүзіп үйрену үшін ең маңыздысы: күш, жылдамдық, төзімділік, икемділік және ептілік. Жалпы дамыту жаттығулары дененің негізгі физикалық қасиеттерін дамытуға ықпал етеді.
2023жылдың қазан айының 14-нен 19-на дейін «Арыстан» мамандандырылған лицейінің оқушыларымен суға жүзуден 2023-2024 оқу жылына жоспарланған сабақтар Лицейдің жүзу қауызында ұйымдастырылып өткізілді. Бұл сабақтардың негізгі мақсаты: лицеистердің арасынан жүзу спортынан үздік оқушыларды іріктеп, әр деңгейдегі қалалық, аудандық жарыстарға қатыстыру; сондай-ақ, суға жүзе алмайтын оқушылардың тізімдерін анықтап, олармен жүйелі түрде оқу-жаттықтыру сабақтарын ұйымдастырып өткізу.
Өткізілген іс-шара үлкен істің бастамасы болмақ, сондықтан жыл бойы жоспарлы түрде лицеистердің жүзу техникасын шыңдап, суда жүзу шеберлігін жүзеге асыру қажеттілігін қамтамасыз етуді қолға алып отырмыз.
Болашақта «Арыстан» лицейінің суда жүзуден өзіндік құрама командасы жасақталады, әрі келешекте лицеистеріміз көптеген жеңістерге қол жеткізетініне еш күмәніміз жоқ. Қазақ тілі мен әдебиеті пәні мұғалімі
Салимова Несіпкүл Төлегенқызы
